کیا آپ نے کبھی پلاسٹک کی بوتلوں سے بنی سڑک پر سفر کیا ہے

اسکاٹ لینڈ  کی کمپنی نےپلاسٹک کی بوتلوں سے بنی سڑکوں کو  روایتی سڑکوں کے مقابلے میں 3 گنا زیادہ پائیدار ہونے کا دعویٰ کر دیا۔

تفصیلات کے مطابق اسکاٹ لینڈ کی ایک کمپنی پچھلے چند سال سے استعمال شدہ پلاسٹک بوتلوں کے ذریعے سڑکیں بنا رہی ہے۔

دنیا بھر میں 9 ارب ٹن کے لگ بھگ پلاسٹک، مختلف شکلوں میں موجود ہے جس میں 7 ارب ٹن پلاسٹک استعمال شدہ ہے جو یا تو سمندروں میں پھینک دیا گیا ہے یا پھر زمین پر کچرا ٹھکانے کےلیے بنائے گئے ۔

’میک ریبر‘‘ نامی کمپنی کے بانی اور روحِ رواں ٹوبی مکارتھی ایک انجینئر ہہیں  انہوں نے کہا کہ اوّل تو وہ اپنے بچوں کو پلاسٹک سے بھرے سمندر دکھانا نہیں چاہتے اور دوم انہوں نے ہندوستان میں کچھ لوگوں کو سڑک کے گڑھے بھرنے کےلیے پلاسٹک  پگھلا کر استعمال کرتے ہوئے دیکھا۔

تاہم انہوں نے دوستوں کے ہمرا ہ سوچا کہ  پلاسٹک سے سڑکیں بنانے کا کوئی ماحول دوست طریقہ وضع کیا جائےجلد ہی انہیں کامیابی حاصل ہوئی اور وہ ایک خاص ’’ایکٹیویٹر‘‘ ایجاد کرنے میں کامیاب ہوگئے جسے پیٹنٹ بھی کروا لیا گیا۔

اس حوالے سے  تعمیراتی ماہرین کا کہنا ہے کہ پلاسٹک  سے بنی سڑکوں کی پائیداری صرف سرد ممالک تک ہی محدود ہوگی جبکہ مشرقی  ممالک کے گرم اور تیز دھوپ والے ماحول میں یہ سڑکیں شاید بہت جلد ٹوٹ پھوٹ کا شکار ہوجائیں۔

واضح رہے کہ   استعمال شدہ پلاسٹک  سے کئی  کلومیٹر  طویل  سڑکیں  بنا چکے ہیں جو خاصی پائیدار بھی ثابت  ہورہی ہیں ۔