کورونا کے لیے کتنے وینٹی لیٹرز مختص ہیں؟این سی او سی نے تفصیل جاری کردی.............

 نیشنل کمانڈ اینڈ کنٹرول سینٹر نے ملک بھر   میں دستیاب وینٹی لیٹرز اور ان کے استعمال کی تفصیلات جاری کردی ہیں۔

نیشنل کمانڈ اینڈ کنٹرول سینٹر کی جانب سے جاری اعلامیے کے مطابق اسلام آباد میں71وینٹی لیٹرزمختص کئے گئے ہیں جن میں سے 45 زیر استعمال ہیں، راولپنڈی میں83 وینٹی لیٹرز مختص ہے 25 زیراستعمال ہیں.  جبکہ لاہور میں 239 وینٹی لیٹرز مختص کئے گئے تھے ان میں سے;    63 زیراستعمال ہیں، اسی طرح ملتان میں 67 وینٹی لیٹرز مختص کئے گئے ،یہاں زیر استعمال وینٹی لیٹرز کی تعداد 41 ہے۔

این سی او سی کی جانب سے جاری اعلامیے کے مطابق کراچی میں 404 وینٹی لیٹرز مختص ہے. ان میں سے 61 زیراستعمال ہیں; ، جبکہ حیدرآباد میں 20 وینٹی لیٹرز موجود ہیں، ان میں سے کوئی زیراستعمال نہیں ہیں ۔ این سی او سی کے مطابق کورونا وبا کی ہنگامی صورت حال سے نمٹنے ; کے لئے  پشاور میں112 وینٹی لیٹرز مختص کئے گئے ; جن میں سے 34 زیراستعمال ہیں، ; جبکہ کوئٹہ کو 61 وینٹی لیٹرز دئیے گئے تھے، یہاں بھی کوئی استعمال میں نہیں ہے۔

اعلامیے کے مطابق میرپور ;  آزاد کشمیر میں 11 وینٹی لیٹرز مختص ہیں جن میں سے کوئی زیر استعمال نہیں، مظفرآباد کے لئے 22 وینٹی لیٹرز مختص کئے گئے ، کوئی بھی وینٹی لیٹر زیر استعمال نہیں، اسی طرح گلگت بلتستان میں15 وینٹی لیٹرز کورونا مریضوں کے لئےمختص کئے گئے.  یہاں بھی کوئی وینٹی لیٹر زیر استعمال نہیں، ایبٹ آباد میں17 وینٹی لیٹرز مختص ہیں  ، ادھر بھی کوئی استعمال میں نہیں ہے۔

اس سے قبل نیشنل کمانڈ اینڈ آپریشن سینٹر کے اجلاس میں بریفنگ میں بتایا گیا کہ ملک میں کورونا وائرس کا 70  فیصد پھیلاؤ 5 شہروں میں ہو رہا ہے،'جن میں اسلام آباد، راولپنڈی، کراچی، لاہور اور;  پشاور شامل ہیں۔ این سی او سی نے متعلقہ حکام کو کورونا وائرس کا پھیلاؤ روکنے کے لیے سخت اقدامات کی ہدایات کردیں۔