Sk News

اسلام آباد; (31 مئی 2020) وفاقی حکومت نے پیٹرولیم مصنوعات کی قیمتوں میں کمی کردی ہے۔ وزارت  خزانہ کی جانب سے جاری اعلامیے کے مطابق  پیٹرول کی قیمت میں 7 روپے 6 پیسے کی کمی کی  گئی ہے جس کے بعد  پٹرول 81 روپے 58 پیسے  سے کم ہو کر 74 روپے 52 پیسے فی لیٹر ہوگیا  ہے۔ اعلامیے کے مطابق مٹی کے تیل کی قیمت میں 11 روپے 88 پیسے جبکہ لائٹ ڈیزل کی قیمت میں 9 روپے 37 پیسے کمی کی گئی ہے۔ مٹی کا تیل 47 روپے 44 سے کم ہو کر 35 روپے 56 پیسے فی لیٹر ہوگیا ہے۔ جبکہ لائٹ ڈیزل کی قیمت 47 روپے 51 پیسے سے کم ہو کر 38 روپے 14 پیسے فی لیٹر ہوگئی ہے۔ اعلامیہ کے مطابق ہائی اسپیڈ ڈیزل کی قیمت میں 5 پیسے اضافہ ہوا ہے۔  ہائی اسپیڈ ڈیزل کی قیمت 80 روپے 10 پیسے بڑھ کر 80 روپے 15 پیسے ہوگئی ہے۔ نئی قیمتوں پر عملدرآمد کا اطلاق آج رات 12 بجےسے ہوگا۔

"ایسا بھی ہوتا ہے عشاء کی نماز میں چوتھی رکعت کے قیام میں کھڑا تھا۔ پوری مسجد میں خاموشی تھی کہ اچانک میرے ساتھ کھڑے لڑکے کا موبائل بجنے لگا۔ اس نے جلدی سے اپنی جیب کے باہر سے ہی موبائل کا کوئی بٹن دبایا تو آواز بند ہوگئی۔  جب ہم تشہد میں بیٹھے تو اس لڑکے کو احساس ہوا کہ موبائل سے کسی کی ہلکی ہلکی آواز آ رہی تھی۔ شاید کال کٹی نہیں تھی بلکہ ریسیو والا بٹن دب گیا تھا۔ اب اس لڑکے نے تشہد میں بیٹھے بیٹھے ہی کال کاٹنے کے لیے کوئی بٹن دبایا مگر شومئی قسمت کہ سپیکر آن ہو گیا۔ مسجد میں مکمل خاموشی تھی اس لیے پوری مسجد میں موبائل کے سپیکر سے آنے والی آواز گونجنے لگی , 👈 ہیلو جان۔! ابھی تک ناراض ہو؟ آپ بولتے کیوں نہیں..؟ 👈 جان پلیز.! ایک بار بات کر لو نا۔  پکا اب لڑائی نہیں کروں گی۔ 👈 جان۔! سچ میں میرا اپنے کزن سے کوئی تعلق نہیں. وہ تو دوپٹہ پیکو کروانے اس کے ساتھ گئی تھی تو گول گپے کھا لیے جہاں آپ نے ہمیں دیکھا  جان پلیز۔۔۔۔ اب وہ لڑکا بیچارا لگا رہا کہ کسی طرح کال کٹ جاۓ لیکن اس دن اس کی قسمت کا ستارہ ہی گردش میں تھا۔۔ کیونکہ  نہ کال کٹی اور نہ ہی اسپیکر ...

جب سے خطرناک مرض کورونا وائرس کا آغاز ہوا ہے، ہر نئے دن کوئی نہ کوئی نئی تحقیق سامنے آرہی ہے تفصیلات کے مطابق اکیڈمی آف میڈیسن اور سنٹر فار انفیکشن ڈیزیز سنگاپور نے ایک تحقیق کی ہے جس میں یہ دریافت کیا گیا کہ وائرس کی علامات کے ظاہر ہونے سے دو روز قبل اور علامات کی تاریخ سے 10 دن بعد کورونا کا مریض دوسروں تک یہ خطرناک وائرس پھیلانے کی صلاحیت کھو دیتا ہے مذکورہ تحقیق کے بعد برطانیہ اور امریکہ سمیت دیگر ممالک کو نئی ریسرچ کے مطابق ہدایات جاری کی گئی ہیں کہ وہ 10 روز بعد مریض کا منفی ٹیسٹ کروائے بغیر اسے اسپتال سے ڈسچارج کر دیں۔ ماہرین کا اس حوالے سے کہنا ہے کہ ایسے افراد کا کورونا ٹیسٹ 3 مہینوں تک مثبت آتا رہتا ہے لیکن کورونا ان سے مزید لوگوں میں نہیں پھیلتا

قومی ائیر لائن پی آئی اے کا طیارہ پی کے 8303 جو کہ 22 مئی کو لاہور سے کراچی واپس آرہی تھی کہ لینڈنگ سے کچھ وقت قبل فنی خرابی کے باعث حادثے کا شکار ہوگئی تھی۔ جہاز کے ملبے سے جہاں دیگر سامان برآمد ہوا وہیں 3 کروڑ روپے کی بھاری رقم بھی تحقیقاتی ٹیموں کو برآمد ہوئی۔ جس پر ترجمان پی آئی اے نے برہمی کا اظہار کرتے ہوئے بتایا کہ اتنی بڑی رقم کا جہاز کے کارگو میں موجود ہونا ایک تعجب ہے کیونکہ یہ پی آئی اے اسٹینڈرڈ آف پروسیجرو یعنی (ایس او پی) کے بھی خلاف ہے- عالمی قوانین کے مطابق جہاز میں ایک وقت میں 10 ہزار ڈالرز سے زیادہ رقم لے کر نہیں جاسکتے ہیں۔ جبکہ ہمارے ہاں کی لوکل فلائٹس میں اس پر عمل درآمد نہیں ہوتا ہے اس حوالے سے تحقیقات کرنے والے اداروں نے بتایا کہ جہاز میں آگ لگ جانے کی وجہ سے نوٹ تقریباً آدھی جلی ہوئی حالت میں ملے ہیں۔ دوسری جانب جائے وقوعہ پر شواہد جمع کرنے کا عمل ابھی بھی جاری ہے  البتہ ذرائع کا یہ بھی کہنا ہے کہ کئی اہم شواہد سندھ رینجرز نے جائے وقوعہ سے جمع کرنے کے بعد پی آئی اے انتظامیہ کے حوالے کردئے ہیں واضح رہے کہ تاحال اس بارے میں کوئی خاص پیش رفت نہیں...

حالیہ دنوں میں پاکستان میں ترکی کے سب سے زیادہ مقبول ہونے والا ڈرامہ ارطغرل غازی کے چرچے ہر طرف ہیں۔ ڈرامہ کی کہانی سے لے کر ڈرامہ کے کردار ہر چیز کو ہی بے حد پسند کیا جا رہا ہے۔ مداحوں کی جانب سے اداکاروں کو کافی سراہا جارہا ہے، لیکن کیا آپ جانتے ہیں کہ ڈرامہ میں اداکاری کرنے والے آپ کے پسندیدہ اداکاروں کی اصل عمر کیا ہے (ارطغرل) ڈرامہ میں ہیرو کا کردار ادا کرنے والے اینجن التان کی پیدائش 26 جولائی 1979 کو ترکی کے شہر ازمیر میں ہوئی۔ ان کی عمر 40 سال ہے۔ اینجن شادی شدہ ہیں اور ان کے دو بچے بھی ہی (حلیمہ سلطان) ڈرامہ کی ہیروئن ایسرا 14 اکتوبر 1992 کو ترکی کے شہر انقرہ میں پیدا ہوئیں۔ اس وقت ایسرا کی عمر 27 برس ہے۔ ایسرا ترکی کی اداکارہ اور ماڈل ہیں۔  (نورگل- تورگت)  ڈرامہ میں ارطغرل کے خاص دوست کا کردار ادا کرنے والے نورگل کا اصل نام Cengiz Coşkun ہے۔ ان کی پیدائش 29 اپریل 1982 کو استنبول میں ہوئی۔ ان کی عمر 37 سال ہے۔ Cengiz ترکی کے نامور اداکار، ماڈل اور پروفیشنل باسکٹ بال کے کھلاڑی ہیں۔  (حائمہ خاتون) ڈرامہ میں ارطغرل کی ماں حائمہ خاتون کا کردار ا...

خادمین حرمین شریفین اور سعودی فرماں روا شاہ سلمان نے مدینہ منورہ میں مسجد نبوی ﷺ کھولنے کی منظوری دے دی ہے سعودی خبر رساں ایجنسی کے مطابق شاہ سلمان کی جانب سے اجازت کے بعد مسجد نبوی ﷺ میں اتوار سے محدود تعداد میں نمازیوں کو داخلے کی اجازت ہوگی، جب کہ سماجی فاصلوں سمیت تمام تر احتیاطی تدابیر اختیار کرنا لازم ہوگا۔ رپورٹ کے مطابق مسجد نبوی ﷺ میں 31 مئی سے عام نمازیوں کے داخلے کی اجازت ہوگی، خادمین حرمین شریفین نے مسجد نبوی ﷺ عام نمازیوں کے لیے کھولنے کی منظوری دی ہے۔ واضح رہے”کہ عالمی وباء کرونا وائرس کے سبب سعودی عرب میں اب تک کل اموات 458 رپورٹ ہوئی ہیں جب کہ اس کے مریضوں کی تعداد 81 ہزار  766 تک جا پہنچی ہے۔

ویب ڈیسک —  امریکہ کے صدر ڈونلڈ ٹرمپ نے عالمی ادارہ صحت (ڈبلیو ایچ او) کے ساتھ کرونا وائرس پر اختلافات کے باعث تعلقات ختم کر دیے ہیں جس کے بعد ڈبلیو ایچ او کو فنڈنگ کے حصول میں مشکلات کا سامنا ہے۔  امریکی صدر کا یہ اعتراض رہا ہے کہ ڈبلیو ایچ او وائرس سے متعلق بروقت معلومات دینے میں ناکام رہا جب کہ اس کی زیادہ تر توجہ چین کی جانب تھی امریکی صدر کا یہ فیصلہ ایسے وقت میں سامنے آیا ہے جب امریکہ اور برازیل سمیت لاطینی امریکہ کے کئی ملکوں میں وائرس تیزی سے پھیل رہا ہے امریکہ ڈبلیو ایچ او کی فنڈنگ کرنے والا دنیا کا سب سے بڑا ملک ہے۔ ماہرین خدشہ ظاہر کر رہے ہیں کہ امریکہ کی جانب سے کروڑوں ڈالر کی فنڈنگ رکنے سے لامحالہ ڈبلیو ایچ او کی کارکردگی پر بھی اثر پڑے گا۔ صدر ٹرمپ نے گزشتہ ماہ عالمی ادارہ صحت کی فنڈنگ روک دی تھی۔ گزشتہ سال امریکہ نے ڈبلیو ایچ او کو 400 ملین ڈالر دیے تھے ناقدین کا کہنا ہے کہ امریکی صدر نے ڈبلیو ایچ او کی فنڈنگ ایسے وقت میں روکی ہے جب اسے فنڈنگ کی سب سے زیادہ ضرورت ہے۔ دنیا بھر میں کرونا کیسز بڑھ رہے ہیں جب کہ لاطینی امریکہ وائرس کا نیا گڑھ بنتا جا ...