مری، گلگت بلتستان سمیت ملک کے بالائی علاقوں میں برفباری ، محکمہ موسمیات نے سیاحوں کو خبردار کردیا...........

 

ملکہ کوہسار مری، گلگت بلتستان سمیت ملک کے;  بالائی علاقوں میں برفباری کے بعد بالائی علاقوں میں ٹھنڈ میں مزید اضافہ ہوا ہے . جبکہ محکمہ موسمیات نے پہاڑی علاقوں میں مزید بارش اور برفباری کی;  پیشگوئی کرتے ہوئے کہا ہے کہ سیاح برفباری والے علاقوں میں غیر ضروری سفر    اور تیز رفتاری سے گریز کریں ۔

نجی ٹی وی کے مطابق ملک کے بالائی علاقوں  ایبٹ;  آباد، نتھیا گلی، ڈونگا گلی، ایوبیہ اور ٹھنڈیانی میں برف باری کا سلسلہ ہفتہ کو  بھی جاری رہا، ان علاقوں میں اب تک ایک فٹ تک برف پڑ چکی ہے،سرن ویلی میں بھی برف باری نے دلفریب مناظر کا روپ دھار لیا ہے۔سیاحتی مقامات شوگراں اور کاغان ویلی;  میں تین سے چار فٹ تک برف پڑی۔ خیبر پختونخوا کے ضلع مانسہرہ، ; شانگلہ اور دیگر بالائی علاقوں میں بھی  برف باری کا سلسلہ جاری ہے،گلگت بلتستان کے ضلع شگر اور گردونواح میں رواں موسم کی تیسری برف باری ہوئی،آزاد کشمیر میں وادی لیپا  میں  شدید برف باری کا سلسلہ جاری ہے۔ شدید برف باری کے باعث وادی لیپا کا دیگر;  علاقوں سے زمینی رابطہ کٹ گیا،وادی نیلم میں بھی برفباری کا;  سلسلہ جاری رہا،محکمہ موسمیات نے مزید بارش اور پہاڑی علاقوں میں برفباری کی پیشگوئی کی ہے۔

دوسری جانب ترجمان گلیات ڈویلپمنٹ اتھارٹی احسن حمید نے کہا کہ گلیات میں برفباری کے بعد سڑکوں کی بحالی کا آپریشن شروع کردیا گیا ہے ;   سیاح دوران برف باری غیر ضروری سفرسے گریز کریں،پھسلن کے ;   باعث سڑک بحالی میں مشکلات کا سامنا ہے، سیاح دوران سفر تیز رفتاری سے;   گریز کریں۔ترجمان جی ڈی اے کے مطابق دوران سفر گاڑیوں;  کے ساتھ چینز کا استعمال ضرور کریں، سیاح صبح اور شام کے اوقات میں سفر نہ کریں۔