حکومت نے بھی عوام کو عید کا ”تحفہ“ دیدیا، پیٹرول مہنگا کر دیا.........

 وفاقی حکومت نے عید الاضحی سے ایک روز   قبل پیٹرولیم مصنوعات کی قیمتوں میں 6 روپے 62   پیسے فی لیٹر تک اضافہ کردیا ہے,  جبکہ / نئی قیمتوں کا اطلاق آج رات 12 بجے سے ہوگا۔

تفصیلات کے مطابق وزارت خزانہ کی جانب سے   جاری ہونے والے نوٹیفکیشن کے مطابق پیٹرول   کی قیمت  میں 3 روپے 86 پیسے فی لیٹر کا اضافہ کیا جارہا ہے , جس کے بعد اس کی نئی قیمت 103 روپے 97 پیسے ہو گی۔ نوٹی فکیشن میں کہا گیا کہ , ہائی سپیڈ ڈیزل     (ایچ ایس ڈی)     کی قیمت میں 5 روپے فی لیٹر کا اضافہ کیا گیا ہے,  اور اس کی نئی قیمت 106 روپے 46 پیسے مقرر کی گئی ہے۔

اسی طرح مٹی کے تیل کی قیمت 5 روپے 97 فی لیٹر پیسے اضافے سے 65 روپے 29 پیسے اور لائٹ ڈیزل آئل کی قیمت 6 روپے 62 پیسے;  فی لیٹر اضافے سے 62 روپے 86 پیسے کردی گئی ہے  ۔ وزارت خزانہ کا کہنا تھا کہ,  پیٹرولیم   مصنوعات کی قیمتوں میں اضافہ عالمی مارکیٹ ; میں تیل کی قیمتوں میں اضافے کے رجحان کے باعث کیا گیا ہے۔