پاکستان کے دورہ آئرلینڈ اور انگلینڈ کا کیا بنا؟ وسیم خان نے بتا دیا ..............

تفصیلات کے مطابق وسیم خان نے کہا کہ, آئرلینڈ اور انگلینڈ کیخلاف سیریز کے شیڈول برقرار ہیں اور میں اس حوالے سے اپنے ہم منصب نمائندگی سے رابطے میں ہوں تاہم اس حوالے سے ہم کوئی بھی فیصلہ کرتے ہوئے , اپنے کھلاڑیوں اور مینجمنٹ اراکین کی صحت و حفاظت پر کوئی سمجھوتہ نہیں کریں گے۔

آئرلینڈ پاکستان ٹیم کی جولائی میں دو ٹی 20 , میچزمیں میزبانی کیلئے پرامید ہے۔ کرکٹ آئرلینڈ کے چیف ایگزیکٹیو وارین ڈیوٹروم کا کہنا ہے کہ جون میں نیوزی لینڈ کا دورئہ یورپ غیریقینی سے دوچار ہے. البتہ جولائی میں ڈبلن میں ہم پاکستان کی دو ٹی 20 ,میچز میں میزبانی کیلئے پرامید ہیں۔

واضح رہے کہ اس سے قبل پاکستان کا دورہ نیدرلینڈ ملتوی کیا جا چکا ہے. جس میں تین ون ڈے میچز کھیلے جانے تھے,  جبکہ آئرش ٹیم کیساتھ دو ٹی 20 اور انگلینڈ کیخلاف , تین ٹیسٹ میچز پر مشتمل سیریز بھی یقینی دکھائی نہیں دے رہی۔