چین نے اس صدی کی اب تک کی سب سے بڑی کامیابی حاصل کرلی ، ووہان سے کورونا وائرس کے تمام مریض ہسپتالو ں سے ڈسچارج .............

بیجنگ (ڈیلی پاکستان آن  لائن )  کورونا وائرس کا مرکز سمجھے جانے والے چین کے شہر ووہان میں مہلک وائرس سے متاثرہ تمام مریض ہسپتالوں سے ڈسچارج ہوگئے۔چینی ہیلتھ کمیشن کے ترجمان کے می فینگ مطابق ووہان کے ہسپتال میں اب ایک بھی کورونا کا مریض نہیں ہے ;جبکہ آج نہ ہی کوئی , نیا کیس رپورٹ ہوا ہے جس کے بعد شہر میں مریضوں کی تعداد صفر ہے۔انہوں نے مہلک وبا پر قابو پانے پر ووہان کے شہریوں اور تمام میڈیکل اسٹاف کا شکریہ بھی ادا کیا۔

دوسری جانب کورونا وائرس ووہان سے دنیا بھر میں پھیل گیا ہے جس کی ہلاکت خیزی کا سلسلہ اب بھی نہیں تھم سکا ہے۔ کورونا سے دنیا بھر میں اب تک 2 لاکھ افراد لقمہ اجل بن چکے ہیں جبکہ متاثرہ مریضوں کی تعداد 28 لاکھ , سے زائد ہے لیکن ایسے میں کورونا وائرس کا مرکز سمجھے جانے والا چینی شہرووہان بالکل کورونا فری ہوگیا ہے۔ووہان میں لاک ڈاون میں نرمی تو چند روز پہلے ہی کردی تھی اور زندگی آہستہ آہستہ معمول کی جانب گامزن ہے , تو وہیں اب وہاں کورونا کا کوئی مریض بھی ہسپتال میں زیر علاج نہیں ہے۔

ووہان میں کورونا وائرس کے 46 ہزار 452 کیسز,  رپورٹ ہوئے تھے جو چین کے کیسز کا 56 فیصد ہے جبکہ مہلک وائرس سے 3869 اموات ہوئیں,  جو کہ 84 فیصد شرح بنتی ہے۔ چین میں کورونا وائرس کے باعث 4632 , افراد ہلاک ہوئے . جبکہ متاثرہ مریضوں کی تعداد 82 , ہزار 827 ہے جن میں سے 77 ہزار 394 صحت یاب ہوچکے ہیں۔