انگلینڈ کیلئے پاکستان کیساتھ سیریز ری شیڈول کرنا بھی دشوار ہو گیا مگر کیوں؟ تفصیلات منظرعام پر آ گئیں ............

لندن  (ڈیلی پاکستان آن لائن)  انگلینڈ اینڈ ویلز کرکٹ بورڈ ( ای سی بی) کیلئے پاکستان کیساتھ سیریز ری شیڈول کرنا بھی دشوار ہو گیا ہے , کیونکہ پاکستان کرکٹ بورڈ  (پی سی بی)  تین ٹیسٹ میچز ستمبر میں کھیلنے سے گریزاں ہے

تفصیلات کے مطابق پاکستان کو رواں برس اپنے دورہ یورپ کے دوران انگلینڈ کیخلاف 3 ٹیسٹ میچز کی سیریز بھی کھیلنا ہے .جس کا پہلا میچ 30 جولائی, کو جبکہ آخری ٹیسٹ میچ 20 اگست , سے شیڈول ہے۔انگلش کرکٹ بورڈ کورونا وائرس کی وجہ سے پیدا شدہ موجودہ صورتحال کے تناظر میں اپنی ہوم انٹرنیشنل سیریز ری شیڈول کرنے کیلئے مختلف آپشنز پر غور کررہا ہے، ایسے میں اس کی خواہش تھی , کہ پاکستان سے سیریز ستمبر تک ملتوی کردی جائے

کرکٹ کی معروف غیر ملکی ویب سائٹ کی رپورٹ کے مطابق پی سی بی سیریز کے ستمبر میں انعقاد کے حق میں نہیں کیونکہ , اس طرح یہ ایشیاءکپ سے متصادم ہوجائے گی جس کی میزبانی پاکستان کو کرنا ہے . اس حوالے سے ای سی بی کی اہم میٹنگ جمعرات کو شیڈول ہے,  جس میں مختلف آپشنز زیر بحث آئیں گے۔

ذرائع کے مطابق رواں موسم گرما میں انگلینڈ کو ویسٹ انڈیز کی بھی 3, ٹیسٹ میچز کیلئے جون میں میزبانی کرنا ہے  ,اور کیریبین کرکٹ بورڈ جولائی تک منتقلی کیلئے بھی راضی ہے مگر اس صورت میں پاکستان سے سیریز کا شیڈول متاثر ہونا یقینی ہو جائے گا , ویسٹ انڈیز کیساتھ سیریز کی ایک ونڈو دسمبر بھی ہے,  مگر تب انگلینڈ کو کیریبین جزائر جاکر کھیلنا پڑے گا۔