قومی اسمبلی کی قائمہ کمیٹی برائے ا طلاعات کا اجلاس ،حکومت سے حیران کن تفصیلات مانگ لی گئیں ...............

اسلام آباد   (ڈیلی پاکستان آن لائن)   قومی اسمبلی کی قائمہ کمیٹی برائے اطلاعات و نشریات نے کورونا وائرس سے بچاؤ کے لیئے اٹھائے گئے , اقدامات کی تفصیلات حکومت سے طلب کرلیں جبکہ لاک ڈاؤن کے حوالے سے بھی حکومت سے بریفنگ طلب کی ہے۔

تفصیلات کے مطابق قومی اسمبلی کی قائمہ کمیٹی برائے اطلاعات و نشریات کا اجلاس کا اجلاس چیئرمین میاں جاوید لطیف کی صدارت میں ہوا۔ کمیٹی اراکین کے علاوہ وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان، چیئرمین پیمرا اور ایم ڈی پی ٹی وی نے شرکت کی جبکہ وفاقی سیکرٹری اطلاعات و نشریات نے ویڈیو لنک کے ذریعے شرکت کی۔ چیئرمین کمیٹی نے کہا کہ اس وقت پوری دنیا وبا سے متاثر ہے,  اور پاکستان بھی متاثر ہوا ہے، لاک ڈاؤن کے حوالہ سے مختلف آرا ہیں، حکومت اس پر بریفنگ دے۔چیئرمین کمیٹی نے کہا کہ میڈیا نے مجموعی طور پر کورونا سے پیدا ہونے والی صورتحال میں ذمہ داری کا ثبوت دیا ہے، مخیر حضرات کو احساس دلانے، آگاہی اور حکومتی خامیوں کو دور کرنے کیلئے بھی میڈیا نے کلیدی کردار ادا کیا ہے,  آج کے اجلاس کا مقصد یکجہتی کا مظاہرہ کرنا ہے ۔ انہوں نے کہا کہ اجلاس کا مقصد یہ بھی ہے کہ پل کا کردار ادا کرتے ہوئے , کورونا سے ہونے والے نقصانات کو کم سے کم کرنے کیلئے اپنا کردار کریں۔

وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا کہ سب کو یکجہتی سے مل کر اس وبا کا مقابلہ کرنا ہے، معاون خصوصی نےکہا کہ جب تمام سٹیک ہولڈرز کی مشاورت کےساتھ ایس او پیز طےہوئے ہیں ان پر عملدرآمد بھی سب کی ذمہ داری ہے۔ معاون خصوصی نے کہا کہ 472 یومیہ ٹیسٹ اور دو لیبارٹریوں کی گنجائش تھی، اب یومیہ 8 ہزار ٹیسٹ ہو رہے ہیں اور , 60 لیبارٹریاں کام کر رہی ہیں. چین سے بھی ماہرین بلا کر عملے کی استعداد کار میں اضافہ کیا گیا ہے۔ انہوں نے کہا کہ 18, ویں ترمیم کے بعد صوبوں کے پاس اختیارات ہیں، انہوں نے اپنے ایس او پیز خود بنانے تھے۔ انہوں نے کہا , کہ ہمارے ملک کا انحصار 70 فیصد زراعت پر ہے,  اور زرعی پیداوار کو منڈیوں تک پہنچانا بھی ضروری ہے اس لئے لاک ڈاؤن کو نرم رکھا گیا ہے۔